Ballina

Platforma CiviKos është iniciativë e organizatave të shoqërisë civile në Kosovë e nisur në fillim të vitit 2007, ndërsa zyrtarisht e regjistruar më 2 Shtator 2007, që ka për qëllim krijimin e një mjedisi të përshtatshëm formal për bashkëpunim të sektorit të shoqërisë civile dhe Qeverisë së Kosovës.

Platforma CiviKos, pas një procesi të gjatë konsultimi e me pjesëmarrjen e mbi 130 organizatave të shoqërisë civile, më 9 Nëntor 2007 ka nënshkruar Memorandumin e Bashkëpunimit mes Qeverisë së Kosovës dhe shoqërisë civile (të përfaqësuar nga Platforma CiviKos). Ky Memorandum paraqet dokumentin e parë formal që parasheh përkushtimin e dyanshëm për një bashkëpunim institucional dhe partneritet të mirëfilltë në mes të Qeverisë së Kosovës dhe shoqërisë civile.

Kurse Qeveria e Republikës së Kosovës me datën 05 korrik 2013 ka aprovuar Strategjinë Qeveritare dhe Planin e Veprimit për bashkëpunim me shoqërinë civile 2013-2017. Rrjedhimisht kjo është edhe Strategjia e parë për bashkëpunim në mes të Qeverisë dhe Shoqërisë Civile në Kosovë. Më shumë


Këshilli për Zbatimin e Strategjisë Qeveritare për Bashkëpunim me Shoqërinë Civile harton planin e punës për vitin 2015

Zyra për Qeverisje të Mirë /Zyra e Kryeministrit në bashkëpunim me Platformën CiviKos dhe me përkrahjen e projektit TACSO në Kosovë, organizon punëtori për hartimin e Planit të Punës për vitin 2015 për Këshillin për zbatimin e strategjisë qeveritare për bashkëpunim me shoqërinë civile 2013 – 2017.më shumë

Prishtina fuqishëm përkrahë formimin e grupeve punuese të CiviKos

Platforma CiviKos mbajti edhe takimin e fundit konsultativ në këtë seri të aktiviteve, me organizatat nga rajoni i Prishtinës, rreth krijimit të grupeve punuese tematike sipas objektivave të strategjisë qeveritare për bashkëpunim me shoqërinë civile 2013-2017.më shumë

Mobilizim edhe në veri të Mitrovicës

Platforma CiviKos mbajti takimin e radhës konsultativ, me organizatat nga rajoni i Mitrovicës së veriut, rreth krijimit të grupeve punuese tematike sipas objektivave të strategjisë qeveritare për bashkëpunim me shoqërinë civile 2013-2017.më shumë

  • H
  • M
  • M
  • E
  • P
  • Sh
  • D
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31